आठवणींचे कवडसे
₹630.00
(Athavaninche Kavadse)
ले. डॉ. म. ला. शहारे
अनुवाद: डॉ. अनिल गजभिये
एका छोट्याशा खेड्यातील अत्यंत प्रतिकूल परिस्थितीतून सुरू झालेला प्रवास… शिक्षणाच्या बळावर ज्ञान, कर्तृत्व आणि प्रामाणिक सेवाभावाच्या जोरावर देशातील सर्वोच्च जबाबदाऱ्यांपर्यंत पोहोचलेले एक असामान्य व्यक्तिमत्त्व!
‘आठवणींचे कवडसे’ हे पद्मश्री डॉ. महादेव लालजी शहारे यांचे केवळ आत्मचरित्र नाही; तर विसाव्या शतकातील सामाजिक परिवर्तन, शिक्षणाची शक्ती, डॉ. बाबासाहेब आंबेडकरांच्या विचारांचा प्रभाव आणि राष्ट्रनिर्मितीतील एका समर्पित व्यक्तीचा प्रेरणादायी प्रवास आहे. मोहगावातील बालपण, जातीय विषमतेचे चटके, शिक्षणासाठी केलेला संघर्ष, डॉ. बाबासाहेब आंबेडकरांचा निकट सहवास, मिलिंद महाविद्यालयातील कार्य, कृषी संशोधन क्षेत्रातील योगदान, संघ लोकसेवा आयोगाच्या अध्यक्षपदापर्यंतचा प्रवास आणि अनेक राष्ट्रीय नेत्यांशी आलेला स्नेहसंबंध- या सर्व आठवणी लेखकाने अत्यंत साध्या, प्रांजळ आणि ओघवत्या शैलीत मांडल्या आहेत.
या आत्मकथनातून एका व्यक्तीचे जीवन उलगडतेच; पण त्याचबरोबर एका समाजाचा संघर्ष, एका पिढीची जिद्द आणि शिक्षणाच्या माध्यमातून घडलेले परिवर्तन यांचाही इतिहास समोर येतो. जीवनमूल्ये, सामाजिक बांधिलकी आणि राष्ट्रसेवेची प्रेरणा देणारे हे पुस्तक प्रत्येक वाचकाच्या मनात आशेचा आणि आत्मविश्वासाचा दीप प्रज्वलित करते.
*
